منتدى كلية الهندسة

منتدى لتواصل جميع طلاب كلية الهنسة والخريجين بجامعة الزعيم الازهري - مجمع عباسية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 موضوع للنقاش........اليابانيين والسودانيين

استعرض الموضوع السابق استعرض الموضوع التالي اذهب الى الأسفل 

متى سيصل السودان الى مستوى اليابان
1- بعد 10 سنين
0%
 0% [ 0 ]
2- بعد 30 سنة
14%
 14% [ 1 ]
3- بعد 50 سنة
14%
 14% [ 1 ]
4- الا أن يقضي الله أمراً كان مفعولا
71%
 71% [ 5 ]
مجموع عدد الأصوات : 7
 

كاتب الموضوعرسالة
The Black Knight

avatar

عدد المساهمات : 62
تاريخ التسجيل : 08/09/2009

مُساهمةموضوع: موضوع للنقاش........اليابانيين والسودانيين   الأربعاء سبتمبر 09, 2009 5:58 am

....... الثامن من أغسطس 1945م الساعة 8:15 a.m
اطلقت امريكا من طائرة على ارتفاع 600 م تقريبا قنبلة نووية لا يزيد طولها على بضعة امتار
فوق مدينة هيروشيما اليابانية
هذه القنبلة التى تصل دجة حرارته عند لحظة الانفجار الى 1000000 درجة مئوية
أدت الى تغيير حياة اليابانيين الى الأبد.......

بعد انفجار هذه القنبلة بأسبوع واحد وجهت الحكومة اليابانية جميع ميزانياتها واتجاهاتها الى التطوير الاقتصادي للبلد
وتخيلوا انو اول ما فكروا فيه هو تطوير وزارة التربية والتعليم وكيف اننا ننشئ جيل فعال في المجتمع يقوم بتنمية الاقتصاد في البلد

وفعلا أصبح اليابان الآن ثاني اقتصاد في العالم Exclamation Exclamation Exclamation Exclamation Exclamation

تخيلوا ياجماعة بعد سبع سنين من انفجار القنبلة رجعت اليابان كما كانت عليه قبل انفجار القنبلة
سبع سنين بس Exclamation Exclamation

ويظن اليابانيين ان كل هذا التطور كان بسبب انفجار القنبلة التي وجهت جميع جهود الحكومة للتنمية الاقتصادية

يعني نحنا ممكن نقول انو اليابانيين بدو من الصفر من سنة 1945 وأصبحو ثاني اقتصاد في العالم

طيب ليه؟!؟!

ونحنا ليه ما وصلنا حتى 10 % من المستوى دا؟!؟!؟!
ما عندنا موارد ؟!؟!؟
عقولنا ما زي عقولهم!؟!؟!

عاوزين تعرفو ليه؟؟؟

لأنو في السودان ....
لو في شركة أو مؤسسة دوامها يبدأ الساعة 9
يصل اول زول الساعة 9:30

وفي اليابان......
لو الدوام 9
جميع الموظفين يكونو حاضرين قبل الساعة 8:45


في السودان......
الواحد لو عندو ساعتين تلاتة فاضيين
يقعد يفتش ليهو على ونسة ولا عدم موضوع

في اليابان........
أي شخص ياباني عندو وقت فاضي اكثر من 10 دقائق
ايطلع ليهو كتاب يبدأ يقرأ فيهو

في السودان....
الواحد كل همو في الحياة حاجتين
لقمة العيش...العرس

في اليابان.......
الواحد اكبر همومو انو الواحد يعمل شنو
علشان يطور بلدو


في السودان.........
الواحد يفكر يجيب القروش دي ان شاء الله
من الهند

في اليابان.......
الواحد بقول انو جهوده
أولى بيها بلدو

في السودان......
المهندس مهندس والعامل عامل

في اليابان........
اي شغل عندهم محترم

وبالمناسبة دي
عارفين انو عامل النظافة عندهم (في اليابان عامل النظافة اسمو "مهندس صحة") راتبو كم؟!؟!؟!
السؤال دا اخليكم انتو تخمنو فيهو ومافي زول حيقرب في الاجابة


والله يا اخوانا الكلام دا يزعل
والله يا اخوانا انا بعض مرات بتكلم مع ناس في الشاة
من دول اوربية أو من كندا لما اقول ليهم انا من السودان
يقولو لي دي في ياتو قارة؟!؟!؟!
تخيلو شعب مجهول الهوية
لكن ابشركم الايام دي نحنا اشتهرنا شوية بعد حادثة المحكمة الجنائية الدولية

وفي النهاية
سيظل الياباني ياباني والسوداني سوداني

"وخليك سوداني" tongue

_________________
Your Future Depends on Your Dreems..........SO...........Go to Sleep
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Black Knight

avatar

عدد المساهمات : 62
تاريخ التسجيل : 08/09/2009

مُساهمةموضوع: رد: موضوع للنقاش........اليابانيين والسودانيين   الأربعاء سبتمبر 09, 2009 6:08 am

في برنامج في التلفزيون
برنامج اكثر من رائع يقدمه احمد الشقيري
برنامج يقوم بتداول مشاكل العرب الاجتماعية والحضارية ويقوم بتقديم حلول لها

اما في هذا الموسم وهو الخامس
قام بتصوير حلقاته في اليابان
ويصور لنا الحضارة عندهم ولماذا هم متطورين
والأكثر من ذلك انه يقوم بمقارنة العرب مع اليابانيين
البرنامج مدته لا تتجاوز 15 دقيقة وبدون اعلانات

البرنامج اسمه "خواطر"
في قناة MBC1
الساعة السادسة مساء
أتمنى من الجميع متابعته
ولمشاهد الحلقات السابقة اليكم هذا الرابط
http://shahed.mbc.net/mediamanager/?ee_category=15438



أنتظر ردودكم واضافاتكم وتعليقاتكم واقتراحاتكم

ملاحظة:-
دا أول موضوع لي
ماتحرجوني Embarassed Embarassed Embarassed
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Digital
Admin
avatar

عدد المساهمات : 138
تاريخ التسجيل : 03/08/2009
العمر : 31

مُساهمةموضوع: رد: موضوع للنقاش........اليابانيين والسودانيين   الأربعاء سبتمبر 09, 2009 7:07 am

موضوع جميل جدا جدا
The Black night


قصة العمل والعمل بجد متأصلة في ثقافة اليابانيين
عشان كدا ما بضيعوا زمن نهائي
صافي العمل عندهم
100%
وبعد ده زعلانين لان الامريكان بنتهو من العمل اليومي قبل نصف ساعة .... توصوروا !
في حين ان احنا معدل عملنا في اليوم لا يتعدى الساعة والنصف وفق الدراسات العالمية
لكن ربك
كريم هسع القطاع الخاص في السودان ماشي كويس
بس فضل القطاع الحكومي يستعدل (انشاء الله )

يديك العافية على رابط البرنامج ... من متابعي البرنامج ده لكن انشغلت عنو السنة دي




_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aauengineering.friendhood.net
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: موضوع للنقاش........اليابانيين والسودانيين   الأربعاء سبتمبر 09, 2009 3:38 pm

والله موضوع جميل
واليابانيين ديل زي الطفرة الجينية لكن ماشاء الله
الناس ديل انفجار القنبلة ما اثناهم عن الحاجة الدايرينها
وبالفعل زي ما تفضلت وصلو لمرحلة انهم يبقو افضل ثاني دولة اقتصاديا
وخصوصا في الاجهزة صعبة الصنع
والله اتمنى انو الناس تمشي ب الواحد من المليون بالشي المشيت بيهو اليابان
والله يجازي اللي كان السبب
pirat pirat

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
branco

avatar

عدد المساهمات : 69
تاريخ التسجيل : 13/08/2009
العمر : 29

مُساهمةموضوع: رد: موضوع للنقاش........اليابانيين والسودانيين   الأربعاء سبتمبر 09, 2009 4:31 pm

والله يا جماعه الكلام دا يهرد القلب انتوا عارفين انو مافي شئ يجمع بين اليابان والسودان غير الالف والنون الفي اخر اسميهما ,واحده منها في اسيا والاخري في افريقيا ,اليابان من اوائل دول العالم المتقدم والسودان من بلدان العالم المسمي مجازأ بدول العالم الثالث لا تجد يابانيا لاجئأ ونجد الملايين من السودان يعيشون في خيم مهترئه
عند وداخل دول الجوار السوداني اليابان لا تملك موارد طبيعية على الإطلاق وليس لديها متسع من الأراضي للزراعة الكثيفة، أما السودان فهو بلد الأنهار العريضة وقادرٌ على إطعام ربع سكان العالم تقريباً، لكنه جائع في نفس الوقت والغريبه يا جماعه انو اليابان منذ عشرين عاماً تعاقب على إدارة شؤونها ثلاثون رئيس وزراء تقريباً، وجرت فيها عشرات الانتخابات البرلمانية والبلدية وغيرها، أما السودان فيحكمه طرف واحد منذ التاريخ نفسه وحتى الآن، ولم يُجرَ فيه انتخاب إلا انتخاب مجالس إدارة الأندية الرياضية وبعض النقابات الفنية

اليابان بعد حروبها العالمية المهلكة تعيش في سلام مع جيرانها، وميزانية الدفاع فيها تأخذ 1 في المئة من الميزانية العامة: أما السودان فهو في حالة حرب مع بعض الجيران، وميزانية الدفاع والأمن تلتهم 60 في المئة من الميزانية العامة. اليابان لم يُعرف عنها أنها احتضنت -رسمياً- مطلوباً للعدالة الدولية، أما السودان فيكفي أن نقول إن أكثر مطلوبَين في العالم (بن لادن وكارلوس) عاشا على أراضيها ردحاً من الزمن إلى أن قررت العدالة السودانية تسليم أحدهما في آخر الليل لبلد أوروبي، ونصحت الآخر بالمغادرة إلى بلد مضطرب آخر.

كل تلك الفروقات ليست كافية لتبيان الهوة التي تفصل بين اليابان والسودان، هناك نقائض أخرى قرأتها في كتاباً عن اليابان الحديثة والمعاصرة.

الكتاب يوضح تلك العقيدة الراسخة في نفوس اليابانيين لفداء بلدهم، ولتلك العقيدة أشكال متعددة: من ذلك اتجاه
الطائرات اليابانية في الحرب العالمية الأولى والثانية بتوجيه وبقصد من طياريها صوب السفن الحربية المعادية من أجل إلحاق أكبر تدمير فيها ومقتل من عليها، وبالطبع فإن أول الضحايا هم الطيارون اليابانيون أنفسهم، ومقابل ذلك هناك توقيع الإمبراطور الياباني السابق "هيروهيتو" لمرسوم موجه لعموم اليابانيين بأنه ليس ابن إله الشمس الذي يؤمنون به وبها، وليست له صفة غير إنسانية!

عندما كان يفعل هذا الإمبراطور الراحل، كان يعلم أنه تحت حراب الأميركان المنتصرين لكنه كان يفتدي قدس الأقداس الذي يمثله، ويعتبره لا شيء، وكل ذلك من أجل يابان أقل جُرحاً وأقل نزفاً للكرامة الوطنية، لم يكابر الرجل لأن اليابان فوق الجميع وفوق المعتقدات السابقة التي نسفت مع قنابل هيروشيما وناجازاكي.

تحكي صفحات الكتاب كذلك عن رئيس الطيران المدني الياباني الذي -ولدهشة الجميع- استل مُسدساً من جيبه وهو يعقد مؤتمراً صحفياً يشرح فيه ما حدث للمسافرين على إحدى طائرات الخطوط الوطنية اليابانية من تسمم في الأكل ودخول الكثيرين منهم للمستشفى لقضاء بضع ساعات فقط، وكان المقابل هو وضع المسدس في صدغ رئيس الطيران وإطلاقه النار على نفسه لأنه ألحق الضرر بمسافريه وألحق الضرر بسمعة اليابان!
هذا الإحساس والمشاعر المستقرة بشدة في نفوس اليابانيين نرى النقيض لها -للأسف- في نفوس العرب جميعاً
دارفور تشهد مؤخراً زيارات لم تكن معهودة على الإطلاق من قبل المسؤولين السودانيين، بالرغم أن الفواجع الإنسانية في هذه المقاطعة كانت حاضرة من خلال التقارير الرسمية والأمنية على طاولات بعض المسؤولين أنفسهم

الجولات المكوكية بين العاصمة والجنوب، والعاصمة وأقصى الغرب لن تغير من الأمر شيئاً حتى ولو اقترن كل ذلك بإطلاق سراح هذا السجين السياسي أو ذاك، أو القول بأن مشروع عقد اجتماعي جديد سيظهر (قريباً) في كل أنحاء السودان. ما تم حتى الآن هو في الحقيقة من توابع الزلزال، وكان جديراً بمن يطلقون التهديد حيناً والوعود حيناً آخر، أن تكون تلك المبادرات قبل الحدث.
الشعور بأن أخطاء كبرى قد حدثت في السودان -كما في كل بلاد العرب- ومحاولة إصلاحها منذ البداية، كان يمكن أن يغني عن تدخل الغرباء في شؤوننا

أما الاستمرار في عملية توالد الأخطاء الكبرى المهلكة والقول إن ذلك مؤامرة على بلداننا ولماذا لم تُفعَّل العدالة هنا وهناك فهو إضاعة وقت هو مضاع بالفعل ودعوة للتدخل أكثر في شؤوننا التي تمزق جلدها

إطلاق الوعود وتهديد الفرقاء الآخرين، والأخطاء الكبرى التي تقترف في حق أوطاننا ستؤدي إلى تفتيت وحدة هذه الأوطان وزيادة معاناتها وجعلها لُقمة سائغة للطامعين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
branco

avatar

عدد المساهمات : 69
تاريخ التسجيل : 13/08/2009
العمر : 29

مُساهمةموضوع: الفرق بين العرب واليابان اضحك هههه   الأربعاء سبتمبر 09, 2009 4:44 pm


هناك سباق تجديف بين فريقين
((عربي)) و ((ياباني))
كل قارب يحمل على متنه تسعة أشخاص
وفي نهاية السباق وجدوا أن
الفريق الياباني انتصر بفارق رهيب جداً
وبتحليل النتيجة
وجدوا أن
الفريق الياباني يتكون من
1 مدير قارب و8 مجدفين
الفريق العربي يتكون من
8 مديرين و1 مجدف
حاول الفريق العربي ت عديل التشكيل ليتكون من
مدير واحد .. مثل الفريق الياباني
وتمت إعادة السباق مرة أخرى
وفي نهاية السباق وجدوا أن
الفريق الياباني انتصر بفارق رهيب جداً
تماماً مثل المرة السابقة
وبتحليل النتيجة
وجدوا أن
الفريق الياباني يتكون من
1 مدير قارب و8 مجدفين
والفريق العربي يتكون من
1 مدير عام و3مديري ادارات و4 رؤساء اقسام و1 مجدف
فقرر الفريق العربي محاسبة المخطئ
فتم فصل المجدف!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Black Knight

avatar

عدد المساهمات : 62
تاريخ التسجيل : 08/09/2009

مُساهمةموضوع: رد: موضوع للنقاش........اليابانيين والسودانيين   الخميس سبتمبر 10, 2009 2:50 am

الاخ محمد يوسف

يديك الف عافية على مرورك لكن المشكلة الاساسية في الموضوع
هو القطاع الحكومي


لانو اذا الموظف ما كان متفاني في شغله البلد حتمشي كيف ؟!؟!
واخص بالكلام دا
التعليم والصحة
ومافي داعي اتطرق لمشاكل التعليم والعلاج والتشخيص في السودان اللي كترت فيهو الحوادث الايام دي

اخوي الكارب
يديك الف عافية على مرورك
والف شكر
لكن انت قلت انفجار القنبلة ما اثناهم عن الحاجة الدايرنها
انفجار القنبلة بالنسبة ليهم كان حافز ومشجع ليهم
ونهائيا ما ندبوا حظهم وقالو خلاص نحنا انتهينا

انا ماعارف اذا كان نحنا برضو يلزمنا قنبلتين زي هيروشيما وناجازاكي
وحدة في صينية بري ووحدة في شعبي امدرمان علشان (نبدأ) نطور


اخوي برانكو
يديك الف عافية على الاضافة لكن بس في النقطة بتاعت
ليه ملايين السودانيين مبتعثين للخارج

ليس بسبب صعوبة المعيشة او غلاء الاسعار
اغلب المبتعثين للخارج هم عوائل وذلك لسبب بسيط جدا
ان انا باعتبار اني ولي امر ما بقدر اوفر اهم حاجتين للأولاد
التعليييم ..... والصحة

لكن برضو بقول ان اللوم الاكبر يقع على عاتق الشعب السوداني

لأنو لو كانت الحكومة هي المسؤولة عن تطوير الدولة
كانت الصين احتلت العالم حاليا
لأن شعبها اختار التقليد ولم يختار الاختراع والتطوير


نجي لنقطة عامل النظافة في اليابان (الشخص المسؤوول عن تنظيف الاحياء والطرق)
أولا اسمه في اليابان عيييييب تقول عامل بقولو >>>>>>> مهندس صحة

وثانيا راتب عامل النظافة ( مهندس الصحة) >>>>>>>>> 8000 دولار شهريا

انتو تخيلو بعد دا




انا في النهاية اتمنى اشوف البلد دي يوم تنافس دول العالم الاول


وتحياتي للجميع cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: موضوع للنقاش........اليابانيين والسودانيين   الخميس سبتمبر 10, 2009 4:42 am

والله اتمنى ذللك
وبالنسبة للقطاع الحكومي في السودان هو قاصمة الظهر للدولة
اسألني انا والله البلد دا عايز اعادة صيلغة من البداية
حتى ينافس الدول الاخرى
afro afro afro

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
موضوع للنقاش........اليابانيين والسودانيين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الهندسة  :: المنتديات :: المنتدى الاجتماعي-
انتقل الى: