منتدى كلية الهندسة

منتدى لتواصل جميع طلاب كلية الهنسة والخريجين بجامعة الزعيم الازهري - مجمع عباسية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ألحقوا ما تبقى من أولاد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
THUNDER_12

avatar

عدد المساهمات : 29
تاريخ التسجيل : 29/08/2009

مُساهمةموضوع: ألحقوا ما تبقى من أولاد   السبت أكتوبر 17, 2009 3:27 am

السلام عليكم
الموضوع جد خطير وأهم شي أراء الناس

زمان كانن البنوت (البنات) بغنن ويقولن شقو يدخل السحلية (الشق في رجل الراجل من الخشونة يعني)

وكانت الأم لما تلد الولد تقول:
مرحب يا جمل شيلي (عشان الجمل معروف بقوة التحمل وقدرتو على حمل حجات كتيرة)
أحنا ما دايرين رجال زي زمان بس دايرن
رجـــــــــــــــــــــــــــــــــــال

من عدة نواحي :

أولا: المظهر
بقو الأولاد بهتمو بالموضة أكتر من البنات
وللأسف بيضايقو البنات في لبسن(نوع ديل مريحين أهلم أبوهم ممكن يشتري للبت وأخوها يلبس معاها Smile )

ولد يلبس وردي أو بنفسجي (خجلت ليك) Embarassed

كلو كوم وأنو يلبس مخصر ده كلام تاني أما البتلقاهو فاتح صدرو
عشان شو ؟؟ Mad Mad Mad

والواحد كان وقعت منو حاجة إلا يمشي يخليها (مابيقدر يدنقر)

انت راجل؟؟

وفي النوع التسلم عليهو (زي البتسلم علي واحدة)

والتلقاهو ضراعو (عزرا الضراع للرجال بيقولو ضراعو مخدر كناية عن كرمو)
قصدي عصيباتو (طيب أقلو ربي عضلات) (اللبسة دي أسمها أدني حقنة)


ثاميا: السلوك
الحمد لله المجتمع السوداني فيهو قيم جميلة كتير

سب الدين :
(مخرج من الملة)
بعدين تسب الدين ده أبوك سالي فيهو سيف
كل كلمة والتانية سابي الدين قايلها رجالة لا والله أنت أبعد ما تكون عن الرجالة أو الشفتنة

ما تصلي لي شنو؟؟ (إلا يكون ما عليك صلاة : بت يعني)
الحمد لله جامعنا من أكتر الجوامع البتتملي وأغلبية شبابنا الله يديهم العافية بصلو

بس الشباب بقو يستقو تصرفاتهم وسلوكهم من الديجتال(ناسين إنهم في بلد ليهو ديانتو و تقاليدو وعاداتو البتختلف عن البيشوفهو في الديجيتال)

مثلاً يهزر مع بت يقوم يضربها في كتفها ( Sad والله الزول يشفق عليهو زي دا يظهر كيف مع فردو تاني؟)

تلقاهو ماسك يدها ويلعب بيها في نص الجامعة (أنت قايلها رجالة؟؟؟)
لااااااااااااااااااااااااااااااا زي ما أنت بتعمل كده في (شفت: مفتح) تاني بعمل الحاجة دي لأختك ولو ما عندك أخت بعدين بيكون عنك بت أو مرة حتى (عرض يعني) -وكما تدين تدان-
وفي حاجة تانية كده هي ما حتحترمك ولا حتذكرك بالخير (ده إذا كنتو جادين)
إذا ما أحترمتها كبت ناس وما أحترمت نفسك أحترم المحل الأنت فيهو والناس الحولك
(وبعض مرات الناس بتشوق الغلط وتسكت Sad Sad Sad )
ونذكر بحديث الحبيب المصطفى-صلى الله عليه وسلم- Sadمن رأى منكم منكراً فيغيره بيده فإن لم يستطع فبلسانه فإن لم يستطع فبقلبه وذلك أضعف الإيمان) أوكما قال عليه أفضل الصلاة وأتم التسليم.
بقينا ما شايفنو غلط ولا بقى مامهم ما ديل أخوانا ومفروض ننصحهم (أقلو)

تخيلو في كم مرة بلقى أولاد بيشاغلو في بت زميلتهم في الجامعة Surprised (-والله دي أغرب حاجة- لا والأغرب مرات البنات بيكونو سنايرهم
عندنا زميلتنا شاغلوها في الشارع في الميدان (ديل برالمتكم يا كارب: لاب مساحة) قايلنها هينة فقبلت عليهم وحسمتهم( شدتا ليهم) عيــــــــــــــب (بس عافي منها Laughing )
انت لو راجل ما تشاغلها براك ما في نص أخوانك (وديل زاتم ما أخوان : ديل أخواتك)

الكلام دا ما معناها البتكلم عنهم ديل ما رجال في شكلهم بس كمان بقى عندنا أولاد ما رجال بتصرفاتهم


والحمد الله في رجال تختهم على الجرح يطيب فليهم كل التحية

الكلام عشان الشباب الصغار ديل في يوم من الأيام حيكونو أباء أو أخوال أو أعمام
أرجو المشاركة بالردود لعموم الفائدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: ألحقوا ما تبقى من أولاد   السبت أكتوبر 17, 2009 3:41 am

الرائع ثتدر
كيف الامور
يصراحة فتحت موضوع حيوي جدا

study study study study study

الموضوغ في غاية الخطورة وذلك يتمثل في مظهر وتصرفات
هذا الجيل وبصراحة حاجة مخجلة جدا (اخشوشنوا)
والرجل اذا تكلم اسمع واذا ضرب اوجع واذا مشى اسرع
المشي ذاتو اليومين ديل بكتلوج غريب خاص خطوة قدام واثنين وراء
drunken drunken drunken drunken

والله حاجة مخزية جدا وتصرفات اشبه بالبنات

ودي مشكلة

bounce bounce bounce bounce

موضوع حساس ارجو الناس تنبه عليه ودمتم
تقبل مروري

Rolling Eyes Rolling Eyes Rolling Eyes Rolling Eyes

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
contessa

avatar

عدد المساهمات : 140
تاريخ التسجيل : 12/08/2009
العمر : 30
الموقع : قصر الكونت

مُساهمةموضوع: رد: ألحقوا ما تبقى من أولاد   الثلاثاء أكتوبر 27, 2009 5:32 pm

والله كلامك صاح يا ثندر بقينا نشوف مناظر نحنا البنات بنخجل منها
وكمان الناس دى بتكون قاعدة فى الحرم الجامعى وبتتعامل مع بعض
بى طريقة مخجله ما عارفة هم شايفنها شنو وفهمهم شنو الجيل
الجديد دى صعب ده كله كوم والالفاظ كوم تانى
لكن احتمال عشان لسة صغار عقولهم ما اكتملت لو اتكلمت معاهم
ما بتلقاهم بالعقلية الناضجة دى الا ما ندر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Digital
Admin
avatar

عدد المساهمات : 138
تاريخ التسجيل : 03/08/2009
العمر : 31

مُساهمةموضوع: رد: ألحقوا ما تبقى من أولاد   الأربعاء أكتوبر 28, 2009 1:19 am

الرائع ثندر
كفيت وما قصرته
الموضوع خطر جدا جدا لمن ننظر ليهو للمدى البعيد
يعني بعد الحيل التاني والتالت
الله اعلم تاني يفرزوهم من البنات كيف ... الا كن بالاسماء (والله الاسماء زاتا لخبتوها)
الله يستر
انا ما عارف كيف انفسهم بتسمح ليهم انو يستصيغوا الثقافة دي
انا شايف انو الموضوع عايز حسم يعني اي مواقف بايخة منهم يتم زجرهم مباشرة
قال صلى الله عليه وسلم : "من راي منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان " . او كما قال .
شكرا ثندر على الموضوع الحيوي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aauengineering.friendhood.net
meko

avatar

عدد المساهمات : 16
تاريخ التسجيل : 23/08/2009
العمر : 31

مُساهمةموضوع: رد: ألحقوا ما تبقى من أولاد   الأربعاء أكتوبر 28, 2009 9:02 am

اخى وصديقى القيت بالضوء على موضوع فى غاية الاهمية ويحتاج من الجميع جهد فى معالجته . استطيع التعامل مع هؤلاء(انصاف الرجال. بل ارباعهم) جيدا .......... ادفروهم لى جاى والباقى على........... ربنا يستر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: ألحقوا ما تبقى من أولاد   الخميس أكتوبر 29, 2009 3:54 am

يا ميكو داير تعمل شنو يازول
ههههههههههههههههههه

والله دي مشكلة ولازم تتحل

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THUNDER_12

avatar

عدد المساهمات : 29
تاريخ التسجيل : 29/08/2009

مُساهمةموضوع: رد: ألحقوا ما تبقى من أولاد   السبت أبريل 17, 2010 4:31 am

الكارب كونتسا ديجتال وميكو شكرا على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ألحقوا ما تبقى من أولاد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الهندسة  :: المنتديات :: المنتدى الاجتماعي-
انتقل الى: