منتدى كلية الهندسة

منتدى لتواصل جميع طلاب كلية الهنسة والخريجين بجامعة الزعيم الازهري - مجمع عباسية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 نحو أسماء سودانية خالية من الدلع والمياعة‏

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Lordm78

avatar

عدد المساهمات : 189
تاريخ التسجيل : 03/08/2009
العمر : 39

مُساهمةموضوع: نحو أسماء سودانية خالية من الدلع والمياعة‏   الثلاثاء أغسطس 18, 2009 3:09 pm


نحو أسماء سودانية خالية من الدلع والمياعة



أسماؤنا السودانية القديمة الأصيلة، كان من الصعب بل المستحيل بأن تأتي لها باسم دلع، فمهما بلغت براعتك فلا يمكنك أن تدلّع أسماء مثل: بلة، الطريفي، أب جيبين، التجاني الخزين، عجبين، الزبير، أب كساوي، الصديق، فضل المولى، فتح الرحمن، عبد الجبار، البشير،عكاشة، الجنيد، تيراب، الريّح، الماحي، حمد النيل، حسب الله،حسب الرسول , جبارة الله، أب سقرة، البي كيفو، تميم الدار، جبر الدار، عمسيب الجاك، الجزولي باشكار ,وغيرها..



عليْ النعمة تحاول تدلع أي واحد من الأسماء الفوق ديل إلا ضهرك كع ينكسر، لأنها أسماء قوية زي الخرسانة... أسماء مضببة ضد التدليع زي العكاكيز.. أسماء أهلنا زمان أسماء رجال وما في أي طريقة لتمييعها أو تدلعيها،



حتى النسوان عندنا كان أسماهن صلبة ومحتشمة، وتنافس أسماء الرجال! في قوتها وخشونتها، فنلقى أسماء مثل ست النفر، الساتر الله، أم حقين، البتول، سكينة، التاية، نفيسة، النخيل، أم زين، بت الجقمتها وغيرها، والواحدة حتى لو أهلها كانوا متحررين، بالكتير يسموها الصندلية، ومع ذلك ما تقدر تشوفها أو تشم ريحتها، النسوان كانن بنات خدور...



والراجل ذاتو بيكون معجب باسم أمو المحتشم وتلقاهو يحلف بيهو في الصغيرة والكبيرة فنسمع: أنا ولدك آآآ ام زين .. أنا ولدك آآآ البخيتة.. هسه أولاد الزمن ده يقولوا شنو ويحلفوا باسم منو.. معقول الواحد يقدر يقول: أنا ولدك يا عبق أو أنا ولدك يا رنا؟



أهلنا الكبار الزمان كانوا ما بعرفوا الني وكل شيء عندهم نجيض. الني بدوهوا النار..



عليْ الطلاق تنطق الاسم كده لما شعرة جلدك تكلّب، وتتنفخ وجضومك تتورّم من العجب والخيلاء بهذه الأسماء


أب كريق في اللجج
سدّر حبس الفجج
عاشميق حبل الوجج
أنا أخويا مقلام الحجج


أبشر آ جنا .. حررّم تبشر.. أبشر آ جنا التقدْ مركوبك..



مش زي أسماء الأيام دي، شدة الأسماء ما بقت مايعة تقررررّب تخت الاسم في التلاجة عشان يجمد ويبقى اسم رجال.



شوفوا الأسماء دي: وائل، وضاح، وحيد، وليد، وديع، ربيع، مازن، تامر، لؤي، راني، هاني، نادر، حمادة، طلال، أيمن، مهند، إيهاب وغيرها..



والأسماء دي رغم مياعتها لكن الناس برضو دلعوها، فحصل ليها ما يعرف في اللغة بتمييع المايع وهو محرّم لغوياً فسمعنا ب: هنو، ولي، مزوني، تموري، عموري، ندوري، أيموني، هنودي، هوبة وغيرها من الأسماء المايعة الما شادة حيلها...



وكذلك غناهم كان غناء رجال وأصواتهم كانت أصوات رجال،



كان المغني يغني الليل كلو بدون مايك وصوتو تلقاهو زي الجبخانة

يا ليل أبقالي شاهد على نار شوقي وجنوني




وناس زمان ديل حتى كعكهم كان كعك رجال.. تدخل الكعكة في خشمك كده لما يغلبك تلوكها وتقعد تقرقش فيها كُرُم كُرُم زي الخروف القاعد يصقع في الجرة. والآن جابوا لينا الكعك المايع بشتى أنواعو تدخل القطعة في خشمك تجي تلوكها تلقاها عملت (سواح) وما تعرف ! نفسك هل أكلتها ولا ما كانت في قسمتك..



نفس الشيء ده بينطبق على الولادة، زمان الواحدة تلد من خمسة لعشرة وكل سنة تساهم مع زوجها في مصاريف البيت بإنجاب طفل جديد، ومرات لو الظروف ساعدتها ممكن في نفس السنة تلد طفل وتشرع في وضع حجر الأساس لطفل جديد، ومرات الراجل ذاتو من كترة الولادة، ما بعرف أسماء أولادو ومنو الأكبر ومنو الأصغر فيهم.. الراجل يسأل مرتو: إنتِ آآآ الزينة دحين كبير ضيف الله ولا كرم الله ؟ فتجيبه الزينة باستغراب: أجي يا راجل: شن جاب ضيف الله لكرم الله! أنا لما ولدت كرم الله ده، ضيف الله كان يا دوووب بيحبا، لكنهم الاتنين مولودين! في نفس السنة المات فيها خالي عبد الرحمن...



بنات الزمن ده الواحدة إلى أن يتخرج ولدها من KG2، حتى يقولوا ليك فلانة قاعدة تتوحّم.. وهو شن الوحم؟ الواحدة وحمها ذاتو مخالف وضد العادات والتقاليد.. تلقاها متوحمة ليها على تفاح لبناني أو زبيب إيراني أو عنب إيطالي أو مهند تركي، فيطلع ليها الولد باطل ومنعّم ومرخ رخ ،والواحدة أصلها ما بتراعي ظروف زوجها.. زمان حتى وحم حبوباتنا وأمهاتنا كان وحم رجال ووحم بسيط وسهل التنفيذ ، الواحدة تتوحم على أم بقبق فيقوم يطلع الولد لايوق وعبيط أو تتوحم على ويكاب مرس فيطلع الولد بتاع مرايس وشطوط! وكمونية .. نحن ناس بتعيش حياتها بالكمونيّة والنيّة السليمة)..



أهلنا الزمان كانوا متباشرين وحنينين، بكاهم شهر وعرسهم شهرين، والواحدة لما يموت راجلها من شدة الحزن والأسف والإخلاص، بدل أربعة شهور وعشرة يوم، تتحبس عليهو ثمانية شهور وعشرين يوم، لأنو أصلنا ما كنا بنعرف الشوية... شهر العسل كان عندنا ثلاثة شهور، العريس يعديها في ضبّيح الخرفان وكسّير العناقريب، كل يوم يبدلوا ليهو في العناقريب زي بطاقات الاسكراتش..



أولاد الزمن ده شهر العسل عندهم ما بزيد ليهو من أسبوع بالكتير، وما سمعنا لينا بعريساً كسر العنقريب، الواحد رجالتو يتمها فياجرا وطاحنية ومديدة تمر.. والبلد كلها بقت ضارباها رطوبة أبو ظبي..ويجوا يرموا ليك اللوم على سكر التموين! وبعد ده كلو الواحد يقول ليك عاوز أتزوج تاني، الشرع حلل لي أربعة.. يا اخي في الأول شبّع زوجتك الأولى مودة ورحمة ولحمة وبعد كده فكّر في الزوجة التانية..



عليْ الجزيمة في الزمن المايع ده حتى شطتنا بقت مايعة وما بتحرق.. ونحن والله شعب لو ما حس بالشطة في جوفو تسوي تح تح، الأكل ما ينفعو. أنا ود التور البتنتّح ومن الشطة ما بقول أحححححح الزمن ده بقى زمن الكيتشاب والمايونيز، أما الشطة الخضراء وشطة القبانيت فزمنهم فات وغنايهم مات..

الناس هجرت المطاعم وبقوا مستعجلين وما عندهم وقت للقعاد عشان كده اتجهوا للكافتيريات، الأكل كلو بقى عبارة عن بوفتيك وطعمية وبرجر وما شابه، والناس بقوا زي المجانين تلقاهم ياكلوا ماشين ويتكلموا ماشين وكان قلت لزول سلام عليك لا بسمعك ولا برد عليك.. مشيت السودان قبل سنة ما لقيت زول يتونس معاي وفي النهاية جيت راجع وشنطتي مليانة ونسة وشوق للناس الزمان...



وكلابنا برضها بقت مايعة وكسلانة ومسكينة وما بتهوهو في زول، الكلب تجي ماشي فوق ليهو ما يقول ليك هوْ، ولو بقى نشيط خلاص، يقوم ينبح فيك بتهوهوة واحدة تاني ما يزيدها، كأنو عامل ليك مس كول.. مرة ناقشت مسألة عدم مبالاة كلاب اليوم مع واحد كلب، فقال لي: زمان كان بيطغى الحماس والانفعال على أدائنا ككلاب، وكنا بننبح في الفاضية والمليانة، لكننا لما شفنا الحكومة ما بتدفع لينا مواهي وحاولت تستملحنا، قلنا ما لنا ومال المشاكل والعباطة الفي الفارغ.. ونحن الآن في ظل نظام عالمي جديد ولن ننبح ببلاش لأنو في حاجة اسمها الملكية الفكرية وأصواتنا دي لازم تقيّم التقييم المناسب واللي عاوز ليهو (هوت دوق) يشوفوا بعيد مننا، نحن خلاص ودعنا عهد العباطة والتهور.
فقلت في نفسي: يا حليل زمان وأيام زمان.. لما الكلاب كانت بتسك الشفّع وتشرط هدومهم.. الآن نبيحها ذاتو بقى مشروط.. زمان تجي ماشي تلقى الكلب منتظرك في الطريق مليان جسارة وعنفوان ولسانو حالو يقول يا دنيا ما فيك إلا أنا، أما الآن فالكلاب بقى مغضوب عليها وضالة ومهمشة وبتعيش على حافة النسيان ولو نظمت نفسها كويس ممكن تدخل الغابة أو تقيم في فنادق وتعلن التمرد وتعمل ليها حركة تمرد وممكن تسميها حركة تحرير الكلاب وتختصرها في كلمة (حتك)..



يا جماعة الكلام ده عيب في حقنا وما بصح في حق شعب عاش (علماً) بين الأمم .. ويا جماعة كفانا تمييع أسماء وتمييع كعك وتمييع وحم وتمييع فحولة وتمييع قضايا وتمييع مياعة وخلونا نرجع لقديمنا ونخلي في البنسوي فيهو ده، الكلام ده بالحيل ما سمح في حقنا ..


حليل زمن الصبا الماضى حليل زهر الحياة الزاهر
حليل زمن الحبيب راضى وحليل زمن الهوى الطاهر
حليلو الأبلج الباسم حليلو الكاحل الناير
حليل قمر السما القاسم لياليه وصبح داير
آه لو آه تفيد مجروح والمثل القديم ساير
رهاب ماحصلو الجاري وسماك ما حصلو الطاير
تجدنى مراقب أخبارك اذا النسمات بها تخابر
تجدني على الفراش مضنى وتجدنى على الأسى صابر
أنا البعدك أصون عهدك وليتك كنت بى خابر
وليتك مرة تذكرنى ولو في ذكرة الغابر
[center]

_________________
[embed-flash(width,height)]بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
ابوكم الملا [img]
[/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Digital
Admin
avatar

عدد المساهمات : 138
تاريخ التسجيل : 03/08/2009
العمر : 31

مُساهمةموضوع: رد: نحو أسماء سودانية خالية من الدلع والمياعة‏   الأربعاء أغسطس 19, 2009 1:04 am

كلامك صاح
لكن الشباب ناس دهان الجيل وفلفيل الشعر
وبنطلون الجيفايس و.. (خليها بالنية) .. ديل نعمل ليهم شنو Suspect


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aauengineering.friendhood.net
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نحو أسماء سودانية خالية من الدلع والمياعة‏   الأربعاء أغسطس 19, 2009 11:42 am

هههههههههههههههههه
والله يا الملا كلامك صاح بنات الزمن دا ناس شيؤي وشاهيناز وصافي وهلم جر
هسه الواحد كان عرس واحدة اسمها زي ديل وجاب زلد والولد كبر وسالوه امك اسمها منو والله الا يخش في اضافريهو
وزاتو اولاد الزمن دا اخير البنات ديل ناس السيستم واديني حقنة
ربنا يكون في العون affraid affraid

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
semsema ana

avatar

عدد المساهمات : 136
تاريخ التسجيل : 12/08/2009

مُساهمةموضوع: رد: نحو أسماء سودانية خالية من الدلع والمياعة‏   الأربعاء أغسطس 19, 2009 1:19 pm

عنك حق وكلامك صاح
وانا كنت مستغربة من بنت سمعت اسمها وحيرنى اسمها لونا عليك الله ده اسم ابوها زول عاقل ولا
وتانى واحد اسمه مياد ديل اعملو معاهم شنو
ياحليل اسمانا القديمه مثل فاطمه وعائشه وام بلينة وغيرها
الله اكون فى عونا flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lordm78

avatar

عدد المساهمات : 189
تاريخ التسجيل : 03/08/2009
العمر : 39

مُساهمةموضوع: رد: نحو أسماء سودانية خالية من الدلع والمياعة‏   الأربعاء أغسطس 19, 2009 3:14 pm

lol! lol! farao lol! lol!

مشكورييييييييييييييييييييييين يا شباب على المرور
وإنشاء الله يكون الموضوع عجبكم

lol! lol! farao lol! lol!

_________________
[embed-flash(width,height)]بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
ابوكم الملا [img]
[/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نحو أسماء سودانية خالية من الدلع والمياعة‏   الأربعاء أغسطس 19, 2009 11:41 pm

اكيد موضوع ممتاز
وارجو انو الناس ترجع تسمي اسماء موضوعية شوية
ومشكوووورين كلكم
ودمتم

lol! lol! lol! lol! lol!

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lordm78

avatar

عدد المساهمات : 189
تاريخ التسجيل : 03/08/2009
العمر : 39

مُساهمةموضوع: رد: نحو أسماء سودانية خالية من الدلع والمياعة‏   الأربعاء أغسطس 19, 2009 11:45 pm

تسلم الكارب اخوي
ودايرين جديدك
ولا شنو يا شباب



lol! lol! farao lol! lol!

_________________
[embed-flash(width,height)]بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
ابوكم الملا [img]
[/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نحو أسماء سودانية خالية من الدلع والمياعة‏   الأربعاء أغسطس 19, 2009 11:58 pm

هههههههههههههههههههه
جدا يا الملا بس اروق من زحمة الشغل شوية
lol! lol! lol! lol! lol!

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lordm78

avatar

عدد المساهمات : 189
تاريخ التسجيل : 03/08/2009
العمر : 39

مُساهمةموضوع: رد: نحو أسماء سودانية خالية من الدلع والمياعة‏   الخميس أغسطس 20, 2009 12:18 am

ههههههههههههههههههههههههههههه
جدا الكارب اخوي
والله يكون في عون الجميع



Arrow Arrow Arrow Arrow Arrow

_________________
[embed-flash(width,height)]بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
ابوكم الملا [img]
[/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نحو أسماء سودانية خالية من الدلع والمياعة‏   الخميس أغسطس 20, 2009 12:35 am

امييييييييييييييييييييييييييييييييييييييييييين
يا الملا وتسلم ياملـــــــــــــــــــــــــــــــــــك

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
contessa

avatar

عدد المساهمات : 140
تاريخ التسجيل : 12/08/2009
العمر : 30
الموقع : قصر الكونت

مُساهمةموضوع: رد: نحو أسماء سودانية خالية من الدلع والمياعة‏   الجمعة أغسطس 21, 2009 1:30 am


ليه يا جماعة نحنا نشوف الجوانب السيئة فى زمنا كل زمن وليه محاسن ومساوى
ولو تابعنا المساوى ما حنتتقدم يعنى لما نسمى شاهناز عائشة وهديل فاطمة
يا ترى شخصيتها حتتغير اكيد لا خلو التفكير ايجابي يا جماعة مهند جادين
تامر عوضين القصة ما قدر داك Crying or Very sad نحنا البنخلى زمنا قوى وجامد زى
ما اتفضلت اى اللورد ما اسامينا queen
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lordm78

avatar

عدد المساهمات : 189
تاريخ التسجيل : 03/08/2009
العمر : 39

مُساهمةموضوع: رد: نحو أسماء سودانية خالية من الدلع والمياعة‏   الأحد أغسطس 23, 2009 7:38 am

القصة ما قصة رغيف القصة قصة شعب ضائع
الغرض من القصة المفهوم يا كونتيسا
والهدف ملاحظة التغيرات على تقبل الشعب للدواخل الغريبة على المجتمع
سواءاً حميدة او غير حميدة وردة الفعل


affraid affraid affraid What a Face affraid affraid affraid

_________________
[embed-flash(width,height)]بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
ابوكم الملا [img]
[/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THUNDER_12

avatar

عدد المساهمات : 29
تاريخ التسجيل : 29/08/2009

مُساهمةموضوع: رد: نحو أسماء سودانية خالية من الدلع والمياعة‏   السبت أغسطس 29, 2009 8:58 am

سلااااااااااااااااااااااااااااام
الموضوع شديـــــــــــــــــــــــــــــــــــــــــــــــد Cool
ناس أسع ديــــــــــل تمام
لو خلو نصيل البناطلين
وجيلجيل الشعر
و التحكحك مع أخواتن
والفنايل البارزة للضراعت
ودي كلها عدات دخيلة وما كانت عندنا
بس الله يعافيكم دي الفضائيات
وما أي شي تشوفو تسويهو لأنو لكل عادات و تقاليد
وسلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lordm78

avatar

عدد المساهمات : 189
تاريخ التسجيل : 03/08/2009
العمر : 39

مُساهمةموضوع: رد: نحو أسماء سودانية خالية من الدلع والمياعة‏   السبت أغسطس 29, 2009 10:10 am

فعلا هي عادات دخيلة وسببها
اذا ماقلنا كلها فمعظمها من الفضائيات
وتشكر ثندر على المرور
ومرحب بيك



lol!

_________________
[embed-flash(width,height)]بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
ابوكم الملا [img]
[/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نحو أسماء سودانية خالية من الدلع والمياعة‏   السبت أغسطس 29, 2009 6:58 pm

ديل حيل ابطال الديجتال والبوكيمونات
يا الملا والله زي ماقال ثندر الواحد تخاف منو عديل كدا

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Black Knight

avatar

عدد المساهمات : 62
تاريخ التسجيل : 08/09/2009

مُساهمةموضوع: رد: نحو أسماء سودانية خالية من الدلع والمياعة‏   الثلاثاء سبتمبر 08, 2009 8:51 am

والله يا جماعو انتو خبرتكم اكتر.... انا ما بختلف معاكم في النقطة دي
لكن يا باش مهندس محمد انا بختلف معاك في نقطة المقارنة

اساسا المفروض انو مايكون في مقارنة
صح انو زمان الراجل كان راجل والمرة كانت مرة
لكن لمؤاخذة المخ كان فاضي
بعكس حسي الشباب فاهمين والمخ نضيف
بعدين زي ما قالت الكونتيستا

انا ما بقدر احكم على الواحد باسمو اذا كان الخزين ولا مهند!!!!!!!




لكن حسي اغلب الشباب السوادنيين فيهم خير ان شاء الله cheers

بغض النظر عن الشباب البلبسو.......... No

والله يا باش مهندس انت شكلك شفت موقف زعلك علشان كدا قلت الكلام دا No

وبعدين يا باش مهندس بيني وبينك الونسا اللي انت بتتكلم عليها حقت الناس الكبار
اغلبا قطيعة والله دا عمل ودا سوا وفلان قال وفلانة قالت Neutral

وبعدين انا بعتير انو (تحويل المطاعم الى كفتريات )دي ميزة وليست عيب
نحنا حسي في عصر السرعة وانت باش مهندس وادرى بالكلام دا Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نحو أسماء سودانية خالية من الدلع والمياعة‏   الأربعاء سبتمبر 09, 2009 4:48 am

هههههههههههههههههه
انا معاك انو دا عصر بتاع سرعة وتكنلوجيا وفهم وحديث وانترنت
وفعلا الزول مفترض ما يحكم على الانسان من اسمو
بل يحكم عليهو من التعامل والاحتكاك والشخصية
لكن يا فارس القصد هنا انو الاسامي الدخيلة علينا دي ما بتليق
بصاحبها السوداني وخصوصا لمن الزول دا يكبر
عموما انا بتفق معاك في فكرة التعامل مع الشخص لا الاسم
وكمان في عصر السرعة
lol! lol! lol! lol! lol! lol!

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Black Knight

avatar

عدد المساهمات : 62
تاريخ التسجيل : 08/09/2009

مُساهمةموضوع: رد: نحو أسماء سودانية خالية من الدلع والمياعة‏   الخميس سبتمبر 10, 2009 2:08 am

يديك العافية اخوي الكارب

لكن انا قصدي انو الاسامي في النهاية تظل عربية
فما ممكن اقول انها (دخيلة)

بغض النظر كونها سودانية ولا لا

لكن في النهاية انا بحترم وجهة نظرك

واخوي اللورد
عفوا اذا كنا طلعنا من هدفك الاساسي للموضوع

وفعلا انو حاليا اصبحت عاداتنا القديمة تتلاشى مع مرور الزمن وللأسف

عدا في عادات الاكل
مازلنا نأكل العصيدة بالملاح وأم فتفت
واحلا حاجة ....................الآتي في الشطة Wink Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نحو أسماء سودانية خالية من الدلع والمياعة‏   الخميس سبتمبر 10, 2009 4:37 am

والله يا بلاك نايت مما جبت سيرة ام فتفت والالتي
جهجهتنا عديل كدا
هههههههههههههههههههههه
مشكور على المرور
Very Happy Very Happy Very Happy Very Happy Very Happy Very Happy Very Happy

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نحو أسماء سودانية خالية من الدلع والمياعة‏
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الهندسة  :: المنتديات :: المنتدى الاجتماعي-
انتقل الى: