منتدى كلية الهندسة

منتدى لتواصل جميع طلاب كلية الهنسة والخريجين بجامعة الزعيم الازهري - مجمع عباسية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 نكت مساطيل (تموت من الضحك) هههههههههههههههههههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Digital
Admin
avatar

عدد المساهمات : 138
تاريخ التسجيل : 03/08/2009
العمر : 31

مُساهمةموضوع: نكت مساطيل (تموت من الضحك) هههههههههههههههههههههههههه   الثلاثاء سبتمبر 01, 2009 3:49 am


يا شباب يلا نضحك مع بعض

Razz Razz Razz Razz lol!




مسطول قال لصاحبه :
شنو ياخي انت ابوك مما إتلحس بقينا ما نشوفه !!

· مسطول دقش ليهو شرطي مرور ضرب تلفون الشرطه 999 قال ليهم بالمناسبه بببببببببب بقيتو 998.

· مسطول سأل أمه .. لو ماتزوجتي أبوي ولا ولدتيني، ويوم شفتيني عند ناس ، كنتي بتعرفيني؟؟؟

· مسطول سأل بتاع صيدلية : عندك شريط بندول ؟
رد : نعم .
المسطول قاليهو : كدي شغلو !!

· اثنين مساطيل واحد سأل الثاني قال ليهو :
تفتكر يوم الجمعة بوافق أول الشهر ؟
رد عليهو قال ليهو :
والله لو ضغطنا عليهو يمكن يوافق!!

· مسطول مشى يعزى وهو متأثر شديد .
وهو طالع قال لأخو الميت :
يعنى مافى امل؟

· مسطول سأل الدكتور قال ليهو :
تجي كيف دي : تحللوا البول وتحرموا الخمرة ؟؟ !!!

· اتنين مساطيل راكبين عربيه قامو دقشو ليهم واحد السايق قال لي الجمبو :
(كدي انزل شوف الزول ده مات) داك نزل و بيقا يكورك ليو قال ليهو :
ارجع. ارجع . ارجع . لف يمين حبه .استعدل:
باااااااااااااااس كده مات !!

· مسطول مشى لاصحابو قال ليهم انا ما بعرف اشاغل علموني. قالوا ليهو تعرف النسوان ديل ما بجو إلا بالسياسة.
قال ليهم اوكي دى بسيطة
قام مشي في الشارع كدا شاف واحدة قال ليها: اها يا حلوة اخبار ابيي شنو ؟

· مسطول مصدع اشترى بنادول ومالقى مويه ...
بلع الحبة وإتيمم !!

· مسطو ل القاضي طلب منو اثبات ملكيته للبيت جاب للقاضي صورتو و هو برش في الحوش ... !!

· مسطول ساكيهوكلب.. لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع وقال : مبــــــــــــــــــــــــــــــــــالغة دا كلب طويل خلاص.

· اتنين مساطيل مسافرين مع بعض البص وقف في محطه واحد نزل يجيب حاجه بارده قال للتاني عاوز شنو ؟
قال ليه اي حاجه !!
.., مشى جاب لنفسو 7up و لصاحبو قلم رصاص !!!

· مسطول ضرب تلفون للمطعم قال ليهم :
عندكم عشاء !
قالو ليه ايوه عندنا .
قال ليهم طيب ما عزمتونا ليه !

مســـــطول شاف جــدو ياكل جلي قال ليهــــــو .... انت ترجـــــف والجــــــلي يرجــــــف جهجهتو المعلقة


واحـــد مســــطول واقف شمــاعه في بص ماسك في الحديده بيد واليد التاني
ماســـــك بيهو السجـــــــاره .. جاهو الكمســــــاري يخلص منو قال ليه
ارح ادينا ياخينا ؟ المسطـــــول قاليهو اديك كيف ماشايفني ماسك بيدي
الاتنين قاليهو الكمســاري خــلاص جيب امسـك ليك السجــــــاره ؟
قاليهـــــو ليييييييييييه ما تمسك الشماعه .


- اثنين مســـــــاطيل الاول يقول للثاني تصدق انت تشبه الحمــــــار ؟ الثاني قاليهــو قول ماشــاء الله

- مسطــول لقي اثنين في المقـابر يفتشو علي قبر ابوهم وهم يتغالطوا ..
ياهو ده .. لا ماياهو ..ياهو ده لا ما ياهو...... قاليهم المسطول انتو
دايرين تدوهو الفاتحه ولا مصـــاريف

-مسطـول إشتري سيــــــاره شبح جديدة لنج وهو ســــايقها فتح الراديو سمع هنا لندن .. قال إنعل ابو الســــــــرعه ذاتو


-مسطـول سالوهو يوم القيامه داير تخش ياتو جنه ؟ قال جنة الاطفـــال

- ســـــــواق امجـاد راكب جنبو واحــــــد سميــــــــن لدرجة إنو ماقادر
يســــــوق . في واحـد مسطـول راكب في الكنبه الخلفيـــه قال للسـواق..
ياابن العـم شيل دركسونك وتعال معانا بي ورا

- مســـــطول مشي الحـــج قالو ليه قوم طـــوف واسعي ؟ قاليهــــــم إنتو مش قلتو كل شئ علي البعثــــــــــه

- واحـد عندو ارنب عاوز يبيعــــو جاهو واحـد مسطـــــــــول قال ليه
القرد ده بي كم ؟ رد الراجـل : دا ارنب ما قــــــرد المسطول قال ليه يا
ابو الشباب انا سألت الارنب ما سألتك انت ..


- مسطول سألوهو ما هو اصعب موقف واجهته في حيـاتك ؟ قال : موقف الــــحاج يوسف.


- مسطول جنو مظاهرات مشا الحج لقا الناس برمو في الجمرات حرق لستك

- مسطول إتصل بشاغل واحدة في تلفون بيتم قالت ليهو انت مسطول ولا شنو طوالى قفل الخط قال بالله شوف بت الكلب دي طلع عندهم كاشف


مسطول سألوه عن العلاقه بين الشهد والشهيد؟ قال:الاتنين بيتلحسو.


مسطول وقع في حفره حاول يطلع ثلاثه مرات من غير فايده. فقال:دي اخر مره لو ماطلعت ح امشي!!


- مسطول رومانسي سأل حبيبتو عمرك كم ؟ قالت ليهو:&********16;
قال هي دا ما نفس مقاس جزمتي((اكرمكم الله)).


- مسطول عندو ولدو الصغير عيان وداه الدكتور وبعد الكشف والفحوصات الدكتور قال ليهوالولد ده بيســنن
المسطول ر د والله انا زاتي قلت كده********


مسطول مشوكش سالوه عن اجمل بيت شعر؟؟ قال:كلما نربي كتكوت........يكبر ويفوت


- مسطول اخد حبوبتو ومشى بها مدرسة البنات قال ليهم ادوني ليها فكة !!


مسطول خش عنبر مرضى السكرى قال ليهم ازيكم ياحلوين


- واحد مسطول مشى لي بت الإتصالات قال ليها عندك مفتاح امريكا قالت ليهو آآي قال ليها طيب اعملو لي من نسخه

- مسطول دخل بيت بكاء داير يشيل معاهم الفاتحه لقاهم مسيحيين قرا ليهم سورة الكافرون

-مسطول في المدرسة سمع الاستاذ بقول المثابرة تولّد النجاح قال لى زميلوا : مــــــــتين هي المثابرة بقت دايه؟؟
...................................
-مسطول سألوه : تحب تهدى شنو بمناسبة اقتراب شهر رمضان ؟ قال ليهم .... اغنية هيفاء وهبى (رجب حوش صحبك عنى )
..................................
-شايقي قال لابوه : ابوي عايز اكمل دراستي بره . . ا بوه قال ليهو مافي
مشكلة خلي امك تفرش ليك السرير في الحوش بس اوعى البرد ما يطقك
...............................
-مسطول لقي كنز , قال الحمد لله باقي الخريطه
...............................
-مسطول خطيبته قالت ليه انا اهم حاجه عندي الاخلاص ! قال ليها : وانا الحمدو
................................
-استاذ سال تلميذ مسطول ما معنى كلمة سبيل؟ رد التلميذ: طريق.. المعلم :وسلسبيل؟ قال ليهو ... طر.. طريق
---------------
-مسطول يجئ كل يوم جزمتو ورجل بنطلونه اليمني مبلولات واحد شمارو عالى
داير يتكشف السر مشى بوارهو للنيل لقاهو بعد ما يدخن السيجاره يرميها في
المويه ويدوسها برجله
--------------
-مسطول ماسك قسيمة الزواج وقاعد يقلب فيها يمين شمال زوجته سألتو : بتعمل في شنو يا راجل؟
قال ليها : لا أبدا مافي حاجة قالت ليهو : كيف مافي حاجة ليك نص ساعة بتقلب في القسيمة داير شنو ؟
رد عليها : بفتش في تاريخ نهاية العقد
.............................
-مسطول بيعمل تجربه فى ضبانه مسكا وقال ليها طيرى طارت .قطع ليها جناحينا
قال ليها طير ى ما طارت كتب ؟؟واثبتت التجارب ان الذبابه لمن تقطع جناحيها
تفقد السمع
.......................................
-في مسطول قال لي زميلو: أمبارح اليوم كلو بالي مشغول رد عليهو زميلو : يمكن يكون في زول رافع السماعة


مسطول سطلة شديد سمع المعلق بقول فاول لصالح رونالدو... قال أول مرة أعرف انو رونالدو عندو ولد اسمو صالح.......


-مسطول شديد مشى سلاح المظلات .. قال ليهم داير أعمل مظلة للمرحوم الوالد و كده

-مسطول سمع دقة في باب البيت فتح الباب مالقي زول قال دي (مس دور ) ولاشنو؟

-مسطول قال لي صاحبه أنا حلمان إننا بقينا فنانين ،،، إنت فنان تشكيلي ... وأنا فنان أشكيلك

-مسطول وزنه زاد .. مشى للدكتور .. الدكتور نصحه يمشي كل يوم 3 كيلو ..
بعد إسبوع ضرب للدكتور قاليهو أنا في الحصاحيصا أواصل ولا أرجع

...
-واحد مسطول نام متأخر لقى الحلم بادي


- واحد مسطول بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان


-واحد مسطول عندو موبايل تلاتين عشرة جدعو في الكوشة لما سألوهو ليه؟ قال ليهم عاوزو ينقلب إلى شيطان.


-واحد مسطول ضرب تلفون لموظفة استعلامات جديدة في سودانير سألها كم
المسافة بين السودان والسعودية عاوزة تسأل زميلتها قالت ليهو دقيقة. قال
ليها شكراً وقفل السماعة.


-بت رسلت لمسطول خطاب عاطفي وبين كل فقرة والثانية كتبت ليهو آه.. آه.. رد عليها: كلامك حلو لكن الواحد وخمسين دي ماعرفتها؟

- واحد شين راكب حمار شاف بت رباطابية حلوة شديد قال ليها: أول مرة اشوف رباطابية حلوه كده.. قالت ليهو: اول مرة اشوف حمار طابقين..

-رباطابي دخل المستشفى سألوه: زيارة؟ رد: لا عمره.

-واحد بخيل بدق في اولاده ليه؟ عشان هم اثنين ومشغلين المروحة في نمرة ثلاثة.

- راجل عجوز جا ماري قريب من اولاد بلعبوا كوره حاول يشوت ليهم الكورة جلت
منه فعلق قائلاً: والله شوتتنا بقت زي الكبريتة اللينة قدرما تكرشها ما
تولع.

-ممرض خواف بحب واحدة كل ما يقول يتكلم معاها يخاف يوم جات المستشفى لأنها
عيانه وما قدر يقول ليها حاجة وصرف ليها حبوب بعد ما قامت ماشه قال ليها:
يا بت ابلعيهم بي موية.

- واحد مسطول قالوا ليه اكتب لينا امتحان انشاء من 10 صفحات كتب في الصفحة
الاولى ركب الرجل الحصان وفي الصفحة الاخيرة كتب نزل الرجل من الحصان وبين
الصفحات كتب كبجك كبجك كبجك كبجك.


- واحد مسطول سألوهو اذا خروف عرس نملة بيولدوا شنو؟ قال يا خروف منمل يا نملة مخرفه.

- مسطول مشى يخطب اهل العروس جابو ليهو شاي لبتون قام رفع الخيط من الكباية وقال أهاااا من هسي بدينا في الكواديك.


كلب جاتو نفسيات لانو اكتشف انه بينبح على حرامي اطرش.
* خيالاتى خطيبتو سألتوه :عرف الحب؟ قال ليها : الحب هو أكولة في القلب لا يمكن حكها ..

واحد اشترى ليهو ساعة سألوه: الساعة كم؟ قال: أها خلاص دايرين تكملوا الحجر.



أربعة مساطيل قالوا عاوزين يقلدوا الخريف واحد قلد صوت الرعد وواحد قلد
صوت البرق وواحد قلد صوت المطرة والرابع شال المرتبة وخشة بيها جوة

جعلي ركب الطيارة حلف على بناته بالطلاق يساعدن المضيفات....

***جعلى الدكتور جاء طالع من غرفة الولاده قال ليهو أبشر بالخير مرتك جابت تومتين الجعلى قال للدكتور على الطلاق تشيل واحده

*** مسطول شاف جني بالليل و صاحبنا ماحافظ القران قام غنى طلع البدر علينا

***واحد عندو حب استطلاع قالو ليهو لو بطلتا حب الاستطلاع نديك نص مليون ..قال ليهم والنص التاني حتدوهو لمنو

***مسطول اشترى خروف ضعيف شديد ..ابوهو قال ليهو دشنو الخروف الضعيف ده قال ليهو ماتشوف الجسم شوف العيون كيف؟



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aauengineering.friendhood.net
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نكت مساطيل (تموت من الضحك) هههههههههههههههههههههههههه   الثلاثاء سبتمبر 01, 2009 4:20 am

هههههههههههههههههههه
والله قطعت مصاريني من الضحك
ياخي ديل السجارة لطشت راسهم عديل كدا
lol! lol! lol! lol!

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
contessa

avatar

عدد المساهمات : 140
تاريخ التسجيل : 12/08/2009
العمر : 30
الموقع : قصر الكونت

مُساهمةموضوع: رد: نكت مساطيل (تموت من الضحك) هههههههههههههههههههههههههه   الثلاثاء سبتمبر 01, 2009 5:28 pm

هههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lordm78

avatar

عدد المساهمات : 189
تاريخ التسجيل : 03/08/2009
العمر : 39

مُساهمةموضوع: رد: نكت مساطيل (تموت من الضحك) هههههههههههههههههههههههههه   الأربعاء سبتمبر 02, 2009 12:54 am

ههههههههههههههههههههههههههه
جميلة وملعوبة
بس ماتكون انت واحد منهم





lol! afro lol!

_________________
[embed-flash(width,height)]بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
ابوكم الملا [img]
[/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Digital
Admin
avatar

عدد المساهمات : 138
تاريخ التسجيل : 03/08/2009
العمر : 31

مُساهمةموضوع: رد: نكت مساطيل (تموت من الضحك) هههههههههههههههههههههههههه   الأربعاء سبتمبر 02, 2009 4:29 am

يديكم العافية كاربينو وكونتيسا ولورد اتمنى انها تكون نالت اعجابكم

العفو يا اللورد انا بقعد معاهم وبكون معاي ورقة وقلم عشان اكتب النكت
يعني بسطل بالتأثير
ههههههههههههههههههههههههههههههههههههههه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aauengineering.friendhood.net
alkarib

avatar

عدد المساهمات : 527
تاريخ التسجيل : 03/08/2009
العمر : 34
الموقع : الحلاوين

مُساهمةموضوع: رد: نكت مساطيل (تموت من الضحك) هههههههههههههههههههههههههه   الأربعاء سبتمبر 02, 2009 5:45 am

ودي المشكله ذاتها
ههههههههههههههههههههههه

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
semsema ana

avatar

عدد المساهمات : 136
تاريخ التسجيل : 12/08/2009

مُساهمةموضوع: رد: نكت مساطيل (تموت من الضحك) هههههههههههههههههههههههههه   السبت سبتمبر 05, 2009 3:38 am

ههههههههههههههههههههههه
والله تموت من الضحك
هههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت مساطيل (تموت من الضحك) هههههههههههههههههههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الهندسة  :: المنتديات :: المنتدى الاجتماعي-
انتقل الى: